Araxis tortu

chef.az saytı olaraq çalışırıq ki, sizə hər zaman gördüyünüz, bildiyiniz Reseplerden fərqli resepler təqdim edək

Tərkibi

• xəmir:↓
• 135 q un
• 45 q kakao
• 140 q şəkər tozu
• 1 iri yumurta
• 1 ç.q. qabartma tozu
• 1/2 ç.q. soda
• 1 x.q. vanil cövhəri
• 145 ml süd
• 75 ml neytral dadlı bitki yağı
• 125 ml qaynar su
• xırt-xırt korj (dakuaz):↓
• 40 q badam unu
• 2 yumurtanın ağı
• 140 q şəkər tozu
• 100 q iri doğranmış duzlu araxis
• 200 q araxis yağı
• 60 q kərə yağı
• 60 q tund şokolad
• 1/3 st. vafli qırıqları
• krem:↓
• 200 q tünd şokolad
• 350 ml 35%-li qaymaq
• (forma 18x27 sm)

Hazirlama qaydasi

1. Şokoladlı korjlar: Sobanı 170 dərəcə qızdırın. Formanı yağlayıb içinə perqament döşəyin.
2. İri qabda bütün quru ərzağı qarışdırın. Başqa qabda yumurta, bitki yağı və südü çalın. Sonra bunu quru qarışığa qatıb xəmir hazırlayın.
3. Xəmirə az-az qaynayan suyu əlavə edin, eyni zamanda dayanmadan qarışdırın ki, yumurta bişib bərkiməsin.
4. Xəmiri formaya töküb 20-25 dəqiqə bişirin. Bişib-bişmədiyini taxta çöplə yoxlayın.
5. Korju formada soyudun. Sonra səliqə ilə çıxarıb eninə iki bərabər hissəyə bölün.
6. Xırt-xırt dakuaz korju: Sobanı 160 dərəcə qızdırın. Perqamentin üzərinə 17x26 sm ölçüdə düzbucaqlı çəkib formaya döşəyin.
7. Yumurta ağlarını şəkər tozu ilə möhkəm çalın. Səliqə ilə badam ununu əlavə edin. Bu qarışığı perqamentin üzərinə çəkdiyiniz düzbucaqlı boyu yayın. Üzərinə araxis səpin.
8. Təxminən 20 dəqiqə bişirin. O, krem rəngi almalı, merengi isə bişib qurumalıdır.
9. Şəbəkənin üzərində soyudun.
10. Su hamamında şokolad, kərə yağı, araxis yağını əridin. Sonra vafli qırıqları əlavə edib qarışdırın. Bu qarışığı dakuaz korjunun üzərinə bərabər yayın və dondurucuda 1 saat saxlayın.
11. Qanaş: Soyuq qaymağı krem halına gələnədək çalın. Şokoladı su hamamında əridin. Sonra götürüb bir-iki dəqiqə qarışdırın. Çalınmış qaymağa qatıb yenidən çalın.
12. Yumşaq şokoladlı korju buluda qoyun. Üzərinə qanaşın 1/3-ni çəkin. Dakuaz korjunu qoyun. Üzərinə kremin 1/3-ni çəkin. İkinci şokoladlı korju üzərinə yerləşdirin.
13. Tortu bir gecə dondurucuda saxlayın. Sonra donmuş tortun kənarlarını iti bıçaqla kəsib hamarlayın. Qanaşın qalanını üzərinə çəkin.
14. Bu tortu soyuducuda 4 gün saxlamaq olar.