Əsl spaqetti. İtaliya dadı

chef.az saytı olaraq çalışırıq ki, sizə hər zaman gördüyünüz, bildiyiniz Reseplerden fərqli resepler təqdim edək

Tərkibi

• 1 paçka spaqetti
• 400 qr farş
• 2 dənə baş soğan
• 3 diş sarımsaq
• 100 qr tomat pastası
• 2 dənə yerkökü
• 1/2 stəkan bulyon
• zeytun yağı
• duz, qara istiot, quru reyhan.

Hazirlama qaydasi

1. Spaqetti bişiririk. (Spaqetti yapışmasın deyə suya 1 xörək qaşığı zeytun yağı əlavə edirik.)
2. İsti tavaya zeytun yağı tökürük. Sarımsağı 2 yerə bölüb yağda qızılı rəng alana qədər qızardırıq və sonra yağdan çıxardırıb atırıq (sarımsağın dadı yağa çıxıb).
3. Soğanı uzun-uzun doğrayırıq, kökü sürtgəcdən keçirdirik və yağda qızardırıq.
4. Tərəvəzlər yumşaq olanda farş əlavə edirik və orta odda qarışdıra-qarışdıra 15 dəqiqə ərzində bişiririk.
5. Sonra tomat pastası, bulyon, duz, istiot, reyhan əlavə edilir, yaxşı qarışdırılır, qazanın qapağı örtülür və sous vam odda hazır olana qədər bişirilir.