Tempura kreveti resepti

dəniz m 507 Son yeniləmə: Nov 03, 2020 Yaradilib: Mar 23, 2020

• Serves: 4 Nəfər
• Hazirlama vaxti: 1
• Bişmə vaxti: -
• Kalori: 52
• Çətinlik: Asand

Çap

chef.az saytı olaraq çalışırıq ki, sizə hər zaman gördüyünüz, bildiyiniz Reseplerden fərqli resepler təqdim edək

Tərkibi

• Suxarı ovuntusu (ağ) - 3 xörək qaşığı
• Duz - 1 çimdik
• Su - 250 ml
• Pələng krevetkası (quyruqlu) - 12 ədəd
• Tempura unu – 2 xörək qaşığı
• Küncüt – 2 xörək qaşığı
• Sous üçün:↓
• Mirin (düyü şərabı) - 1 çay qaşığı
• Düyü sirkəsi - 1 çay qaşığı
• Soya sousu - 4 xörək qaşığı
• Su - 2 xörək qaşığı
• Qarışdırıb sous hazırlayın

Hazirlama qaydasi

1. Klyarın hazırlanması üçün tempura ununu suda həll edin (250 ml suya 150 qr. un), yaxşıca çalıb 10 dəqiqəlik soyuducuya qoyun.
2. Buz qırıntıları da əlavə edə bilərsiniz.
3. Bu zaman ərzində krevetləri hazırlamaq olar. Bunun üçün onların qabıqlarını təmizləyin, kəsib içini təmizləyin.
4. Krevetlərin qarınlarını iti bıçaqla müxtəlif istiqamətlərdə uzununa kəsin.
5. Sonra krevetlərin bişəndə burulmaması üçün onları düzəldin. Hazır krevetləri una bələşdirin.
6. Bitki yağını tavaya töküb demək olar ki, qaynara düşənə kimi qızdırın.
7. Klyarı soyuducudan çıxarın, krevetləri klyara batırıb ehtiyatla qaynayan yağa qoyun.
8. Bir neçə dəqiqə, xəmir azca qızarana kimi bişirin.
9. Krevetləri yağdan kəfkirlə çıxarıb salfetlərin üzərinə düzün ki, artıq yağ salfetə hopsun.
10. Tempur krevetlərini həm sərbəst şəkildə, həm roll hazırlanmasında istifadə etmək olar.
11. Sonda küncütlə bəzəyin. Eyni qayda ilə göbələk, tərəvəz, hətta göyərtini də klyarda hazırlayıb krevetlərlə süfrəyə verə bilərsiniz

• Facebook
• Twitter
• Pinterest